नामिबिया विरुद्ध २२६ रनको लक्ष्य यछ्याइरहेको नेपालले पहिलो विकेट गुमाएको छ।
शंकर राना २ रन बनाएर आउट भए।
नेपालले २ओभर २ बलमा १ विकेट गुमाएर ७ रन जोडेको छ।
....
आइसीसी यु-१९ विश्वकप क्रिकेटमा सातौं स्थानका लागि भइरहेको खेलमा नामिबियाले नेपाललाई २२६ रनको चुनौति दिएको छ।
बंग्लादेशको फतुल्लाह क्रिकेट मैदानमा टस जितेर व्याटिङ रोजेको नामिबियाले निर्धारित ४५ ओभरमा नौ विकेट गुमाएर २२५ रन बनायो । नेपालका सन्दिप लामिछानेले ३ विकेट लिए। सुशील कँडेलले २ तथा सुनिल धमला र प्रेम तामाङले एक-एक विकेट लिए।
५० ओभरको खेललाई कुहिरोका कारण ४५ ओभरमा खेलाइएको हो।
यसअघि नेपाल र नामिविया अहिलेसम्म ३ पटक भिडेका छन्। जसमा नेपाल तीनै पटक विजयी भएको छ । सन् २००२ मा न्युजिल्याण्डमा भएको खेलमा नेपाल १९ रनले, सन् २००८ मा मलेसियामा भएको खेलमा नेपाल ३ रनले र सन् २०१२ मा अष्ट्रेलियामा भएको खेलमा नेपाल ३९ रनले विजयी भएको थियो ।
पाँचौ स्थानका लागि भएको सुपरलिग प्ले अफको सेमिफाइनलमा पराजित भएका दुई टोलिले सातौं स्थानका लागि प्रतिस्पर्धा गरिरहेका हुन्। प्ले अफको सेमिफाइनलमा नेपाल पाकिस्तानसँग र नामिबिया ईंग्ल्याण्डसँग पराजित भएका हुन्।
No comments:
Post a Comment